Yevropa Ittifoqining Erasmus+ xalqaro grant dasturi doirasida moliyalashtirilayotgan GreenCamUz — “Yashil kampus tashabbusi — O‘zbekistondagi oliy ta’limga barqarorlikni integratsiyalash” loyihasi rasman ish boshladi.

Mazkur loyiha 2025–2028-yillar davomida amalga oshirilib, barqaror rivojlanish tamoyillarini oliy ta’lim tizimi va ta’lim dasturlariga tizimli ravishda joriy etishga qaratilgan.

Loyiha doirasida oliy ta’lim muassasalarida ekologik mas’uliyatni kuchaytirish, “yashil kampus” konsepsiyasini rivojlantirish hamda barqaror fikrlovchi mutaxassislarni tayyorlash maqsad qilingan.

GreenCamUz tashabbusi BMTning Barqaror rivojlanish maqsadlari hamda Yevropa Ittifoqining ekologik barqarorlikka oid ustuvor yo‘nalishlari bilan uyg‘un holda amalga oshiriladi.

Loyiha rahbari:

— Ismailov Azizbek Ruzimaxammatovich

Loyiha koordinatori:

— Xujayev Muminjon Isoxonovich

(Alfraganus Xalqaro ilmiy-tadqiqot nashr markazi rahbari)

Axborotlashtirish bo‘yicha xodim:

— Muminov Nozim Gaffarovich

Hujjatlar ro'yxati

Alfraganus universiteti Ijtimoiy fanlar fakulteti Ijtimoiy fanlar kafedrasi professori Ruzmatova Gulnoz Miraxrarovna UNESCOning “HANDONG UNITWIN” nomli xalqaro loyihasida ishtirok etdi.

Loyiha doirasida “Sharq va G‘arb falsafasi tarixi” faniga oid 14 ta maʼruza matni, taqdimot va videomaʼruza materiallari onlayn taʼlim resurslari saytiga joylandi.

Hujjatlar ro'yxati

Alfraganus universiteti Tibbiyot fakulteti Farmatsevtika va kimyo kafedrasi mudiri professor Fazliddin Jalilov va Klinik fanlar kafedrasi mudiri dotsent Bobir Xoshimovlar Litvaning Vilnius texnika universitetida ERASMUS+ “New master’s degree and training course programs in the field of medical engineering in Uzbekistan 101082221 – UzMedEn” loyihasi doirasidagi trening kurslarida 2024-yilning 2-oktyabrdan 15-oktyabrga qadar ishtirok etishdi va ushbu kurslarni muvaffaqiyatli yakunladilar.

Dasturni Vilnius texnika universiteti rektori, professor doktor Romualdas Kliukas kirish so‘zi bilan ochib berdi. Mazkur loyiha doirasida O‘zbekistonning 7 ta oliy ta’lim muassasalaridan 30 dan ortiq professor-o‘qituvchilar ishtirok etmoqda. Professor-o‘qituvchilar biotibbiyot muhandisligi sohasida Yevropa Ittifoqi a'zosi bo’lgan Litvaning tajribasini o‘rganish imkoniyatiga ega bo‘ladilar.

Hujjatlar ro'yxati