Iqtisodiyot kafedrasi – zamonaviy iqtisodiy bilim va tafakkurlarni o‘qitishga ixtisoslashgan ilmiy-amaliy kafedradir. Kafedra talabalarga jahon miqyosida toʼplangan va bir tizimga keltirilgan iqtisodiy bilimlarning nazariy asoslarini, iqtisodiyotning asosiy tushunchalari, kategoriyalari, qonunlarini, tamoyillarini, ularning amal qilish xususiyatlari va mexanizmlarini hamda ularni amalda tatbiq etish koʼnikmalarini chuqur o‘rgatish imkoniyatini taqdim etadi.

Darslar tajribali professor-o‘qituvchilar hamda biznes sohasi vakillari tomonidan interaktiv metodlar asosida olib boriladi. Shuningdek, talabalar amaliy ko‘nikmalarini oshirish maqsadida yetakchi kompaniyalar bilan hamkorlikda tashkil etilgan trening va stajirovkalarda qatnashish imkoniyatiga ega.

Kafedra innovatsion tadqiqotlar olib borish, talabalarni iqtisodiyot hamda jahon iqtisodiyoti sohasida yetuk mutaxassis sifatida tayyorlashga qaratilgan ilg‘or ta’lim dasturlarini amalga oshiradi.

60310100- Iqtisodiyot (tarmoqlar va sohalar bo’yicha)  yo‘nalishida tahsil olayotgan talabalar taraqqiyotning turli bosqichlarida va turli mamlakatlarda tarkib topib shakllangan nazariy bilimlar, iqtisodiy mushohada qilish usullari bilan tanishtirish; iqtisodiy hodisa va jarayonlar mazmunini mantiqiy mushohada qilish uchun zarur boʼlgan uslubiy yondashuvlarni egallashiga koʼmaklashish; ular ongiga iqtisodiy taraqqiyotda erishilgan yutuqlar asosida milliy mafkuraning asosiy qoidalarini singdirishdir.

Iqtisodiyot (tarmoqlar va sohalar bo‘yicha) ta'lim yo‘nalishida o‘qigan talabalar kelajakda quyidagi sohalarda mehnat faoliyatini yurutishlari mumkin:

-        davlat va nodavlat tashkilot, korxona va muassasalar, kompaniyalar (firmalar), ishlab chiqarish birlashmalari va boshqalar;

-        iqtisodiyotning turli soha va tarmoqlarida tashkilot, korxona va muassasalar samaradorligi va natijadorligini oshirish jarayonlari;

-        iqtisodiyotning turli tarmoq va sohalarida vaziyatli va tizimli yondoshuv tamoyillarini tatbiq etish, davlat va mahalliy boshqaruv qarorlarini amalga oshirish jarayonlari;

-        tashkilot va korxonalarda zamonaviy boshqaruv tizimini tashkil etish, tashkiliy tuzilmalarni optimallashtirish, boshqaruv samaradorligini oshirish, mehnatni rag‘batlantirish jarayonlari;

-        firma va kompaniyalar, shuningdek, turli mulk shaklidagi korxonalarni boshqarish, ilmiy tadqiqot muassasalari va mahalliy davlat organlarida iqtisodiy faoliyatni ta'minlash;

-        ishlab chiqarish va xizmat ko‘rsatish jarayonlari.

60411900-Jahon iqtisodiyoti va xalqaro iqtisodiy munosabatlar (mintaqalar va faoliyat turlari bo‘yicha) yo‘nalishida tahsil olayotgan talabalar jahon iqtisodiyoti rivojlanishining tamoyillari, nazariy asoslarini amaliyotga tadbiq etish; xalqaro mehnat taqsimoti, xalqaro savdo, ishlab chiqarish omillarining xalqaro harakati sohasida hamkorlikning samarali yo‘nalishlarini aniqlay olish; jahon iqtisodiyotining rivojlanish ko‘rsatkichlarini tahlil etish va prognozlashtirish ko‘nikmalariga ega bo‘lishi; jahon iqtisodiyotining rivojlanish qonuniyatlarini aniqlash; jahon mamlakatlari iqtisodiyotini tavsiflovchi ko‘rsatkichlarni tahlil qilish va umumlashtirish hamda ishlab chiqarish omillarining xalqaro harakatini tavsiflovchi iqtisodiy, ijtimoiy va tashkiliy ko‘rsatkichlarni tahlil qilish asosida milliy mafkuraning asosiy qoidalarini singdirishdir.

Jahon iqtisodiyoti va xalqaro iqtisodiy munosabatlar yo’nalishida o‘qigan talabalar kelajakda quyidagi sohalarda mehnat faoliyatini yurutishlari mumkin:

jahon xo‘jaligi va tashqi iqtisodiy faoliyatning barcha sohalari;

xalqaro bank, moliya va savdo munosabatlari, jahon xo‘jaligida ishlab chiqarish omillarining harakati hamda jahon iqtisodiyotidagi va xalqaro iqtisodiy munosabatlarda kechayotgan jarayonlar va ularning mamlakatning ijtimoiy-iqtisodiy taraqqiyotiga ta’siri jarayonlarida.

Yo‘nalishlar