Alfraganus universiteti Filologiya fakulteti talabalari o‘zlarining nazariy bilimlarini amaliyotda mustahkamlash maqsadida Toshkent shahar 63-sonli umumiy o‘rta ta’lim maktabida amaliyot mashg‘ulotlarini olib bordilar.

Talabalarga Xorijiy filologiya o‘qituvchisi Dilbar Aliyeva rahbarlik qildi. Amaliyot davomida ular maktab o‘quvchilari bilan turli interaktiv darslar o‘tkazib, o‘z pedagogik ko‘nikmalarini rivojlantirishda yanada qulay imkoniyatlarga ega bo‘ldilar.

Dars jarayonlari nafaqat o‘quvchilar uchun qiziqarli va samarali kechdi, balki talabalar uchun ham kelajakdagi o‘qituvchilik faoliyati yo‘lida katta tajriba maktabiga aylandi.