Alfraganus universiteti rektori Azizbek Ismailov hamda universitet Ta’sis kengashi a’zolari boshchiligidagi delegatsiya Chexiyaning Prague Institute of Management and Technology (PIMT) oliy ta'lim muassasasi rahbariyati vakillari bilan hamkorlik uchrashuvini o'tkazdi.

Uchrashuv davomida tomonlar oliy ta’lim sohasidagi xalqaro hamkorlikni kengaytirish, qo‘shma ta’lim dasturlarini amalga oshirish hamda ilmiy-tadqiqot faoliyatini rivojlantirish masalalarini muhokama qildilar. Shuningdek, professor-o‘qituvchilar va talabalar almashinuv dasturlarini yo‘lga qo‘yish, akademik mobillikni rivojlantirish hamda ikki diplomli ta’lim dasturlarini tashkil etish bo‘yicha fikr almashildi.

Muzokaralar yakunida ikki oliy ta’lim muassasasi o‘rtasidagi hamkorlikni mustahkamlash va istiqbolli loyihalarni birgalikda amalga oshirish yuzasidan kelishuvga erishildi.