Chexiya Respublikasiga tashrif doirasida Alfraganus universiteti akademik ishlar bo‘yicha prorektori Mansur Eshov Liberec Texnika universiteti rektori Miroslav Brzezina hamda Xalqaro ishlar bo‘yicha prorektor Katerina Marsikova bilan uchrashuv o‘tkazdi.

Uchrashuvda ikki oliy ta’lim muassasasi o‘rtasidagi hamkorlikni yanada mustahkamlash va istiqbolda kengaytirish masalalari muhokama qilindi. Tomonlar quyidagi yo‘nalishlarda kelishuvga erishdilar:

— qo‘shma ta’lim dasturlarini ishlab chiqish, ilmiy tadqiqotlar va konferensiyalarni tashkil etish;

— professor-o‘qituvchilar va talabalar almashinuvi, stajirovkalar va qo‘shimcha ta’lim kurslarini amalga oshirish;

— kutubxona, laboratoriya va ilmiy-tadqiqot bazalaridan o‘zaro foydalanish imkoniyatlarini kengaytirish.

Uchrashuv yakunida tomonlar ta’lim va ilmiy faoliyat sohasida strategik hamkorlikni bosqichma-bosqich rivojlantirishga kelishib oldilar.