12–16-aprel kunlari Alfraganus universiteti rektori Amerika Qo‘shma Shtatlarining Sent-Luis shahrida joylashgan Logan universiteti taklifiga binoan rasmiy tashrif bilan AQSHda bo‘ldi.

— Tashrif davomida Alfraganus universiteti hamda Logan universiteti o‘rtasida so‘nggi ikki yil davomida olib borilayotgan hamkorlik masalalari, jumladan akademik almashinuv va qo‘shma ta’lim dasturlari bo‘yicha muzokaralar olib borildi.

— Delegatsiyaga AQSHda faoliyat yuritayotgan vatandoshimiz professor Jo‘ldas Quljanov hamda O‘zbekistonning AQSHdagi elchixonasi vakillari hamrohlik qildi. Alfraganus universiteti delegatsiyasi Logan universiteti prezidenti boshchiligidagi jamoa tomonidan kutib olindi.

— Uchrashuv yakunida ikki universitet o‘rtasida akademik almashinuvni rivojlantirish hamda qo‘shma ta’lim dasturlari asosida double degree (ikki diplomli) ta’limni yangi o‘quv yilidan boshlab yo‘lga qo‘yish bo‘yicha kelishuvga erishildi.

— Mazkur kelishuvlarni rasmiylashtirish va yakuniy hujjatlarni imzolash marosimi 2026-yil 15–25-may kunlari Alfraganus universitetida o‘tkazilishi rejalashtirilgan.

— Xizmat safarini tashkil etishda yaqindan ko‘mak bergan vatandoshimiz professor Jo‘ldas Quljanov hamda O‘zbekistonning AQSHdagi elchixonasi vakillariga minnatdorlik bildiramiz.

Endilikda AQSHda o‘qish orzu emas. Alfraganus universiteti hamkorlik dasturlari orqali talabalar Logan universiteti va Alfraganus universiteti diplomini qo‘lga kiritish hamda o‘qishning bir qismini AQSHda davom ettirish imkoniyatiga ega bo‘ladilar.