Alfraganus universiteti delegatsiyasi hamda Ta'lim muassasalari faoliyatini tahlil qilish boshqarmasi boshlig'i B.Sobirov, Ta'lim muassasalari xalqaro va milliy ko'rsatkichlari samaradorligini baholash bo'limi boshlig'i D.Umarov joriy yilning 16–19-iyun kunlari Turkiyaning Istanbul shahrida bo‘lib o‘tayotgan Global Barqaror Rivojlanish Kongressida (Global Sustainable Development Congress) ishtirok etmoqda.

Mazkur kongress xalqaro “Times Higher Education” reyting agentligi tomonidan tashkil etilgan bo‘lib, kongress davomida 170 dan ortiq universitet va xalqaro tashkilotlar o‘zaro ma’lumot almashish imkoniyatiga ega bo‘ladilar.

Kongress doirasida O‘zbekiston pavilyoni tashkil etilgan bo‘lib, unda 9 ta oliy ta’lim muassasasi — 8 ta davlat va 1 ta xususiy universitet, ya’ni Alfraganus universiteti o‘z stendlari bilan qatnashmoqda.