Bugun Respublika ma'naviyat va ma'rifat markazi huzuridagi Ijtimoiy-ma'naviy tadqiqotlar institutida Alfraganus universiteti Ijtimoiy fanlar fakulteti falsafa mutaxassisligi magistratura bosqichi magistrantlari o‘z ilmiy izlanishlarini yakunlab, diplom ishlarini himoya qildilar.

Har bir himoya ishi mazmunan o‘ziga xos mavzular, dolzarb muammolar hamda ilmiy yondashuvlardagi yangiliklar bilan boyitilib, tinglovchilarda qiziqish uyg‘otdi. Komissiya a’zolari himoya qilingan ilmiy ishlar dolzarb muammolarni yoritishga yo‘naltirilganini, dissertatsiyalar yuqori saviyada himoya qilinganini ta’kidlab bitiruvchilarning kelgusidagi ilmiy ishlariga muvaffaqiyat tiladilar.