Alfraganus universitetining Xalqaro ilmiy jurnallar va reytinglar bilan ishlash departamenti tomonidan universitet professor-o'qituvchilari, xodimlari va talabalari uchun “Ilmiy maqolalar nashrida etika va strategiya asoslari (ilmiy etika, jurnal ko'rsatkichlari va Open Access imkoniyatlari)" mavzusida ilmiy seminar o'tkazildi.

Seminar davomida ilmiy faoliyatda etika tamoyillari, ilmiy halollik va oshkoralik, plagiat va mualliflik huquqi, Open Access nashrlari (Gold, Green, Diamond) va ularning afzalliklari, ilmiy jurnallar va ularni baholash mezonlari (Impakt-faktor, h-indeks, Scopus, Web of Science), shuningdek, jurnal tanlash, hamkorlikdagi tadqiqotlar va nashr xarajatlari kabi muhim mavzular yoritildi.