Joriy yilning 6–8-oktabr kunlari Toshkent shahrida velosportning trek yo‘nalishi bo‘yicha O‘zbekiston kubogi musobaqasi bo‘lib o‘tdi.

Mazkur musobaqada sportchilar o‘rtasida guruh poygasi, jamoaviy va individual taqib, “skretch”, “medison” hamda ochko jamg‘arish yo‘nalishlari bo‘yicha bahslar olib borildi.

Ushbu nufuzli musobaqada Alfraganus universiteti Jismoniy tarbiya va sport fakulteti 4-bosqich talabasi Safonova Anastassiya Pavlovna faol ishtirok etib, yuqori natijani qo‘lga kiritdi va 1-o‘rin sohibasiga aylandi.