Qozog‘iston Respublikasi Ostana Tibbiyot universiteti Farmatsiya fakulteti katta o‘qituvchisi Toyshubekova Nursulu Serikkaziyevna rahbarligida Farmatsiya yo‘nalishi talabalari Alfraganus universiteti Tibbiyot fakulteti amaliyot bazalarida malakaviy amaliyot o‘tash maqsadida tashrif buyurdilar.

Dastlab universitet faoliyati, mavjud ta’lim yo‘nalishlari va zamonaviy o‘quv-laboratoriya bazalari bilan yaqindan tanishtirildi. Shuningdek, mehmonlar farmatsevtika yo‘nalishidagi talabalarning amaliy mashg‘ulotlarini kuzatishdi va tajriba almashish maqsadida kafedra professor-o‘qituvchilari bilan muloqot qildilar.

Tashrif davomida ikki oliy ta’lim muassasasi o‘rtasida ilmiy-amaliy hamkorlik aloqalarini yanada mustahkamlash, talabalar almashinuvi va o‘qituvchilar tajriba almashinuvi kabi istiqbolli yo‘nalishlar yuzasidan kelishuvlarga erishildi.