Rossiya Federatsiyasining B.N. Yelsin nomidagi Ural Federal universitetida o‘tkazilayotgan "Yozgi universitet – 2025–2026" xalqaro ta’lim loyihasi doirasida Alfraganus universiteti Stomatologiya va farmatsiya fakulteti talabalari fakultetning yoshlar bilan ishlash, ma’naviy-ma’rifiy ishlar bo‘yicha mas’ul xodimi Shohida Yuldasheva boshchiligida xalqaro o‘quv mashg‘ulotlarida faol ishtirok etmoqda.

Navbatdagi dars "Innovatsion texnologiyalar zamon tasarrufida" mavzusida to‘liq ingliz tilida o‘tkazildi. Mashg‘ulot davomida ishtirokchilar tomonidan berilgan savollarga ingliz tilida javob berilib, talabalarimiz xalqaro muloqot ko‘nikmalarini yana bir bor namoyon etdilar.