Alfraganus universiteti Filologiya fakultetida Rossiya Federatsiyasining Rostov-na-Donu shahridagi Janubiy federal universiteti delegatsiyasi ishtirokida seminar bo‘lib o‘tdi.

Delegatsiyaga JFU Rektorining muxtor vakili, Xalqaro fanlararo ta’lim va Iber-Amerika tadqiqotlari instituti direktori N.V. Karpovskaya boshchilik qildi. Uchrashuv ikki universitet o‘rtasida imzolangan memorandum doirasida tashkil etildi.

Seminar davomida:

— Rus tili va adabiyoti yo‘nalishida dars beruvchi professor-o‘qituvchilarga JFU tomonidan malaka oshirish kurslari;

— Doktorantura imkoniyatlari;

— Ilmiy-uslubiy hamkorlik;

— Ilmiy jurnallarda tahririy faoliyat va boshqa dolzarb masalalar yuzasidan batafsil ma’lumotlar taqdim etildi.

Shuningdek, Alfraganus universiteti professori v.b. Sh. Sultonovaga Janubiy federal universitet ilmiy jurnalining tahririyat a’zosi sifatida navbatdagi nashrlarda qatnashish, bitiruv malakaviy ishlarini himoya qilishda ishtirok etish hamda vizit-professor sifatida dars o‘tish uchun rasmiy taklifnoma taqdim qilindi.

Ushbu hamkorlik ikki oliy ta’lim muassasasi o‘rtasidagi ilmiy va ta’limiy aloqalarni yanada mustahkamlashga xizmat qiladi.